حكايه زوج
المحتويات
من سلسله حكايا زواج
الحكاية التانية
يمكرون
اسكريبت ويمكرون
واقفة قدام المحل جنبها صحبتها وعينيها هتطلع من مكانها وهى بتبص بحسرة على الفستان معروض قدامها.
صحبتها بصت على ال هى بصه عليه وبنظرة تقييم.
_حلو الفستان
الهام بحسرة بس فلوسه احلى.
تضربها بكتفها ضړبة خفيفة يابت اطلعى من دول اشحال ابوكى كان موظف كبير ومرتبه اولوفات واكيد معاشه كبير.
_عايزة تقوليلى ان وحده مكملتش معاه سنتين تعبى كرشها من خير ابوكى وانت واقفة الوقفة السودا دى وعينك طالعه على حته فستان مش مكمل ١٠٠٠ ومش عارفة تشترية!!
ماليش عندها حاجه.
_انا لو مكانك اقفلها وانصص معاها بالاتى هى احسن.
_وهى هترضى.
_ازاى
_ادينى ودنك وانا اقولك.
فضلت توسوس لها والتانية مع كل كلمه عنيها بتوسع اكتر واكتر وبعد ما خلصت.
_ها ايه رايك
_وده ينفع يافاتن.
_وايه ال منفعهوش ده نص الناس ماشية كده عندك حنان بنت الاستاذ سيد ال
مدير مدرستنا ايام ثانوي
زيادة الخير خيرين ماهو معاش عشر تلاف ج مش شوية بردة لما تاخدهم على الجاهز تشبرق نفسها وتضمنلها قرشين ينفعوها.
سرحت في كلام صحبتها وهي ماشية بتعد على اديها بتوهان.
بابا كان شغال وكيل وزارة يعني معاشة مبلغ وقدرة لو عملت زي ما فاتن بتقول يبق.
فاتن بخبث هتعمل اي دي ياحببتي هتاخد زيها زيك لان المعاش هيتقسم بينك وبينها واختك الصغيرة وكمان في حاجه مهمه انتي لو قدمتي على المعاش هتاخدي مبلغ كبير من وقت طلاقك لحد ما المعاش يطلعلك.
بفرحة قد ايه مثلا.
فاتن بمكر شفي معاش ابوكي قد ايه وقسمي على تلاته واحسبي هتعرفي هتاخدي ايه.
فاتن ياختي دا ما هيصدق زيه زي رجاله كتير اوي بيعملوا كدا غير ان ظروفه زفت وما هيصدق انك تفاتحيه واقطع دراعي امكنش هو فاتحك.
الهام معقولة عاطف هيعمل كدا.
فاتن الحوجه والمصاريف والغلا اللي كل ساعة والتانية ومصاريف العيال هتخليه مش هيوافق بس لاء دا هيبوس ايدك والفرحه مش هتكون سيعاه.
رجعت بيتها وهى طول الطريق بتفكر وبتكلم نفسها
_كلام فاتن كله صح انا اولى بفلوس ابويا من العقربة وبنتها .
دخلت البيت قعدت تستنى جوزها وفضلت على ڼار رايحه جاية فى الصالة وتبص مرة فى الساعه ومرة من الشباك
_اشمعنا انهاردة اتاخر ماكل يوم بيجى فى معاده.
الباب فتح فقامت نطت من الكرسى ال قاعدة عليه وبلهفة.
_اخيرا جيت يا عاطف انا عايزاك ضرورى.
_خدى من ايدى الاول الحاجه دى.
_انا عايزاك فى موضوع مهم.
_اخد نفسى ال انقطع من السلم.
_لا اسمعنى الاول هات ال فى ايدك ده واقعد.
_خير يا الهام قلبى موغوش فى ايه
_عارف حنان بنت الاستاذ سيد ! قابلتها انهاردة.
_استر وبعدين
حكتله كل ال حصل بس مقلتش على فاتن.
_وايه المهم يعنى فى الكلام ده
_نعم يعنى الكلام ده مالفتش نظرك لحاجه
وهو بيتاوب وانا مالى ومال الموضوع ده
_يعنى ليا ساعه بقولك معاش بابا قد كده ومرتبك قد كده.
_يعنى مال حنان ومال معاش ابوكى..
بغيظ بصتله ماتعملش نفسك مفهمتش حركاتك دى مش جديدة عليا
_ايوه فاهمك ياالهام يس هقولك على حاجه مش كل الناس زى بعضها وان كان جوز حنان قبل على نفسه فأنا مش هقبل
الهام انت بقي رافض ليه مع انك انت المفروض انك تتحايل عليا نعمل كدا وخصوصا اننا محتاجين.
عاطف بضيق عشان حاجات كتيره اوى يا الهام.
تربع اديها على صدرها.. وهي اي بقي الحاجات الكتيرة دى يا سي عاطف.
عاطف اولا دا حرام شرعا غير ان الفلوس دى مش من حقك تالت حاجه لو اتعرف بالموضوع فيها سين وجيم واحنا ناس على قدنا مش حمل بهدله ومحاكم وغرامات.
الهام بمكر قربت منه ياعاطف ياحبيبي لو حرام مكنش ناس كتير عملوها قبل كدا ولوعلى المسئولية انا اللي هتحمل كل حاجه وانت هتكون بعيد عن الموضوع.
عاطف بعيد ازاي مش هيعتبروني مشترك معاكي غير كدا اناراجل استحاله هسيبك تنضري واقعد ساكت وكمان يا الهام احنا الحمدلله مستورين
الهام بعصبية مستورين وقادر تقولها انت ناسي اننا السكان الوحيدين في العمارة اللي بتطلع علي السلم واحنا ساكنين في السابع وكل الجيران بيشفونا في الطلعه والنزله وكلهم فهمين اننا معناش ندفع الصيانه ولا لبسي انا والعيال اللي بنلبسه كل يوم هو هو نفس اللبس من سنتين غير اللحمه والفاكهة اللي مش بنشفها غير كل كام شهر
هو بحزن من كلامها عتبها وقال مش جديد عليكي عشتي دى يا الهام اي اللي حصل خلاكي اتغيرتي.
هي بعصبية تعبت كل شهر اقول هتتعدل وامكن تترقي وفرق مرتبك هيطلعلك من الترقية ممكن يعدل الحال لكن مفيش حاجه بتتغير وانت واقف محلك سر
هو احمدي ربنا في ناس مش لقيه اللقمة ولا الهدمة وبصي من الاخر استحالة هعمل اللي في دماغك ولا هعمل حاجه تغصب ربنا.
بتبصله بضيق و بتكلم نفسها بعد ما قعدت على الكرسى وربعت رجليها لو فضلت متعصبة كده لا هاخد معاه لا حق ولا باطل انتى عارفة طبعه وانه مش بيجى بالمعاندة.
دخل ابنهم الاوضه وهو بيبكى فقام بلهفة جرى عليه يسأله ماله عينيها لمعت وبهمس كده انا عرفت انت هتوافق ازاى
بتمثيل راحت عليهم مالك يا نور عين ماما
ابنهم التانى ال جه وراه ابن الجيران مرديش يخلينا نلعب بالكورة الكفر بتاعتهم بيقول الكورة غالية خلى بباكم يشتريلكم وحده ذيها بدل ما كل شويه جاين تلعبوا باللعب بتاعتى.
بصت لجوزها بعتاب عجبك كده!
وطلعت من الاوضه وهى بټعيط.
جوزها بقلة حيلة معلش يا حبيبى ادخل اوضتك دلوقتى مع اخوك وانشالله اول ما هقبض هجبلكم كورة احسن منها.
ابنه الكبير كل شويه اول ما اقبض اول ما اقبض هجيب هجيب وما بتجبش حاجه. لسه لحد دلوقت ماجبتليش الكوتش ال قولتلى عليه ولا حتى فانلة النادى ال بحبه.
ابنهم الصغير من بين دموعه حتى الملاهي كل شوية على العيد واهو عدى عيد والتانى ولسه.
طبطب عليهم وهو بيتنهد بحزن ڠصب عنى لو فى اديا اجبلكم حته من السما بس اوعدكم احاول ادور على شغل جنب شغلى ده علشان اجبلكم كل ال نفسكم فيه.
الولاد بصوت واحد لسه هنستنى تانى.
بصلهم بحزن ادخلوا اوضتكم
وهتتحل انشالله وكل حاجه هتكون عندكم . امتى يعنى يابابا
بعصبية خفيفة انا قولت على اوضتكم دلوقت يالا. اسمعوا الكلام.
نزلوا رأسهم لتحت بزعل وراحوا على اوضتهم وهو باصص عليهم ومش عارف يعمل ليهم ايه طلع لمراته لاها بټعيط قرب منها
نادى عليها الهام انا عارف انى مقصر فى حقكم بس اعمل ايه الحاجه بتزيد والمرتب زى ما هو وأصحاب الشركات ما بيرحموش زى ما هما اوعدك هدور على شغل تانى
واجبلك انتى والولاد كل ال نفسكم فيه
بصتله شغل ايه ده ال هتشغله وانت شغلك الاساسى من صباحيه ربنا ل ٨ بالليل وبترجع مهدود مش عايز غير تاكل
متابعة القراءة
