حكايه زوج

الاول تقولى لولادك حمدلله على السلامه وتساليهم عملتوا ايه فى مدرستكم مافتحتلهمش ليه وهما بقاللهم ساعه بيرنوا الجرس . 
عينيها عليه وقالت لولادها حمدلله على السلامه يا حبايبى عاملين ايه 
بفرحه جروا عليها شفتى يا ماما احنا اخدنا شهادة تقدير من المدرسة والناظر كرمنا قدام الطلبه كلهم فى الطابور 
ابنه انا مبسوط اوى من كلام المدير ليا فى الطابور وهو بيسلمنى شهادة التقدير ولما سالنى قولتله بابا وماما هما ال ذاكرولى بابا العلوم والحساب وماما الإنجليزى والعربى 
ابنه الصغير انا بتباهى بحضرتك قدام زمايلى كلهم بيقولوا يا بختك بباك نفسنا بابنا يبقى زيه. 
رفع عينه ليها و على صوته الحمد لله ان انا طلعت كويس فى عيون حد حتى لو كان عيل. 
بصتله وهى حاسة ان قاصد حاجه راح قام من مكانه قدامها وكمل كلامه يا ترى يا الهام انا فى عينك انتى ايه بتفتخرى بيا ولا شايفانى فردة شبشب. 
هنا هى اتاكدت انه سمعها راحت بصت لاولادها وقالتلهم ياحبايبى على اوضتكم غيروا هدومكم عقبال ما احضر الغدا. 
عاطف لا انا عازمكم انتوا الاتنين بمناسبة شهادات التقدير هفسحكم واوديكم الملاهي.
ابنه الصغير يالا يا ماما بسرعه أجهزة انتى كمان انتى اكتر وحده بتتاخرى فينا فى اللبس. 
عاطف وهو باصصلها لا يا حبيبى ماما مش جاية معانا. 
قربت منه وبصتله وكلامها لولادها ادخلوا غيروا بس وانا شويه وهجهز واوعدكم مش هتاخر. 
العيال جريوا بسرعه راحت هى مسكت ايده فبعدها عنه بسرعه. 
عاطف ولا كلمه عايزة تقولى ايه ما انا سمعت كتير عايزة تبررى كلامك بايه تعتذري طب هيفيد بايه! 
اخد نفس طويل وبحسره انا عارف ال دار فى مخك فكرانى هاخد الولاد واهرب بيهم ويكون ده عقابى ليكى بس مش انا ال اعمل كده فى اولادى واضيعهم بعد ال عملته ده كله علشانهم انتى من هنا ورايح ام اولادى وبس وعلشان ما تتاثرش نفسيتهم من سكات هنزل ادور على شقة تكون بتاعتى بأسمى انا الأمر الناهى فيها بالليل اقدر انام براحتى مع اولادى وانتى حابة تبقى موجودة معانا تقدرى تتفضلى تلمى حاجتك مش عايزة انتى حرة بس ابقى بررى لولادك انتى ضحيتى بيهم قصاد ايه 
الهام بنفضة فى جسمها عاطف انا عارفة مهما اتكلمت الكلام مش هيفيد بس اقسملك ان الكلام ال حصل ده كله مش صح وانا عمرى ما قللت منك قدام حد الحيوانه كانت بتلعب بالألفاظ وانا كنت بجاريها بس اقسملك انا عمرى ما قللت منك قدام حد انا بفتخر بيك فى كل مكان واديك سمعت حقدها وغيرتها بنفسك بس انا بقولك ان البيت هنا احسن استقرار للأولاد بسبب قربه من المدرسة واتعودوا عليه ولسه هننقل تانى والدوامه دى واحنا داخلين على امتحانات وخصوصا ان انت بنفسك شوفت مستواهم اتغير ازاى 
لسه هيتكلم بسرعه قاطعته استنى بس اسمعنى ولو معجبكش الاقتراح بتاعى هنفذ ال انت عايزةانت مش هتاجر بألفين او تلاته خلاص ادفعهملى كانك مأجر عادى . 
عاطف بسخرية اما انتى زكية بشكل بيت ملكك تاخدى ايجاره وانا برضه شرابة خرج 
الهام بسرعه طب خلاص انا الشقة هنا ليا النص فيها ايه رأيك نعرضوا مبلغ على مرات ابويا ونشتروها وبكده يبقى ليك نص الشقة وتبقى قاعد براحتك وقدام الناس محدش ليه حاجه وهى كده كده بتهدد انها عايزة تبيع نصبيها فلوس الجمعية ال هتقبضهاادفعهملها وبكده يبقى ضربنا عصفورين بحجر واحد هى مشيت واحنا موجودين . 
عاطف انتى تفتكرى ان فى حد عاقل يسيب شقة زى دى ويسيببها وبعدين كل الجمعية كم يدوب 50الف هترضى بيهم لشقة على الاقل مليون جنيه اقتراحك مرفوض انا قولتلك مافيش غير انى اجر شقة على قدى واخدك معايا. 
الهام خلاص عندى فكرة تانية انا هبيع ليك نص نصيبى ولو عايز النص كله معنديش مانع ده كله لصالح ولادى وهقسطهالك كل ما تقبض جمعية تدهالى. 
هنا خرج الاولاد وبفرحه بابا احنا جاهزين
بصوا لمامتهم يووووه انتى لسه 
الهام بسرعه وهى شيفاه محتار فى كلامها حاضر يا اولاد خمسة واكون جاهزة 
خرجوا واتفسحوا وكل شوية الهام بتحاول تنسيه وتلاهيه وفرحت جدا لما ابنها قال 
انا مبسوط اوى يا بابا ربنا يخليك لينا انت وماما و نفضل عايشين فى سعادة كده على طول. 
الهام وهى بصاله يارب يا حبيبى انتوا وابوكوا أغلى حاجه عندى. 
راحت البيت وعلشان تهدى الأمور تانى يوم راحوا للمحامى وبالفعل كتبت ليه نص نصيبها فى البيت وده خلاه اتأكد انها لسه متمسكه بيه وعدى شهر ونسى الموضوع و المكالمة وبعد فترة رجعت ريمه لعادتها القديمه بعد ما افتكرت انها خلاص ضمنته رجعت لاهمالها وخروجاتها وصرفت تمن الشقة على مراكز التجميل واللبس وفى يوم رجع البيت مالقاش اكل ولا لقاها هى ولا الاولاد 
عاطف ودى راحت فين دلوقت 
طلع تليفونه واتصل عليها. 
بعد الرنه التالته ردت عليه وبسرعه . 
_انتوا فين يا الهام 
الهام اللاه يا عاطف انت لحقت تنسى 
_انسى ايه بالظبط من كتر خروجكك ودخولك مبقتش عارفلك هفتكر ايه ولا ايه 
عملت نفسها مش واخده بالها من كلامه وكملت فرح ابن خالى فى البلد ال قولتلك عليه من كم يوم. 
_وهترجعى امتى 
_مش هطول يومين تلاته بالكتير. 
_وانا هقعد ازاى يومين تلاته فى البيت لوحدى. 
بتهرب طب سلام دلوقت لحسن مرات خالى بتنادى. 
قفلت بسرعه 
قفل التليفون بزهق عمرك ما هتتغيرى يا الهام تفضلى تتمسكنى لحد ما تتمكنى ومحدش يقدر عليكى مابتعمليش خاطر لحد ولا حتى للى بايع الدنيا علشانك. 
بزعل راح المطبخ وهو حاسس بالجوع فضل يدور على أكل مالاقاش يعنى كنت مستنى ايه طب حتى لقمه للرجل ال شقيان طول النهار. 
خرج من البيت وهو بيتافف اروح اشوف اى مطعم قريب اكل فيه. 
خرج من منطقتهم قابله مطعم جديد مفتوح وريحه الاكل سحبته سحب لجوه قعد على اول طربيزة قابلته وطلب الاكل ال انبهر بيه وبطعمه وبريحته الغريبة حاسب وخرج وهو مبسوط وفضل اسبوع على الحال ده يكلمهم مرة يطمئن عليهم والمكالمه ماتكملش دقايق ويروح المطعم ياكل جرب كل ال فى القايمه لحد ما فى يوم قال للجرسون ال جاله بابتسامه يحيه حضرتك تحب تجرب ايه انهاردة 
عاطف بحنين هو انا بصراحه نفسى فى اكله معينه من وقت المرحومه والدتى وانا ما اكلتهاش وهى مش موجوده فى
المنيو لو طلبتها من الشيف يعملها! 
الجرسون بحيرة وتاثر حضرتك زبون مميز فأنا مقدرش اقول اه أو لا ال اقدر اساعد بيه انى اخليك تتكلم مع الشيف بنفسك وصدقنى هى طيبة وبإذن الله مش هترفض. 
بابتسامه ست وانا اقول الريحه دى اى اتريها ريحة بيتى. 
غاب الجرسون ورجع بعد شويه ومعاه وحده اول ما شافها عاطف قام من مكانه مصډوم وهى كمان وقفت ومقدرتش تشيل علامات الضيق من على وشها. 
بصتله من فوق لتحت ودخلت وسابته وموقفها ده خلى الجارسون يستغرب . 
عاطف هى ام ايه بتشتغل هنا 
الجارسون المدام صاحبة المطعم وبتعمل الاكل بنفسها. 
هنا بص حواليه ولأول مرة يركز فى المطعم تفاصيلة البسيطه ديكوره الهادئ. 
فاق على صوت الجارسون حضرتك هتطلب ايه 
بصله ومن سكات خرج من المحل ونظرتها ليه مش