أماني عنان
المحتويات
حقي اعرف انا مراته وام ولاده
المتصل يامدام عزة اذكروا محاسن مۏتاكم
كلامه رعبها رجعت لورا وقعدت علي أول كرسي قابلها وقالت بثبات
اتكلم انا مش هرتاح غير لما اعرف جوزي ماټ ازاي
المتصل حاضر
فلاش باك من خيال المتصل صاحب رمضان
لما خبط رمضان علي باب الشقة فتحت له ست كويتية جميلة جسمها مليان شويه وذات انوثه طاغية خصيلات شعرها شقراء من الأطراف الي منتصف الرأس لابسه روب ستان أزرق وفيه ورد احمر خفيف قالت له
دخلت وفضل رمضان علي الباب واول ما اتاخرت دخل وراها وفجأة الشقة ولعت ولما الشرطة جت والمطافي لقوا جاكت رمضان اللي فيه كل اوراقه مرمي في الصالة والحريق منتشر في الحمام والمطبخ بسبب سخان الغاز اللي حړق جسم رمضان ومش باين له أي معالم سوي بعض معالم ذكورته الحرجه
البوليس جه فورا لمكان السكن وقالي أنه ماټ وھيدفن في الكويت نظرا لظروف الحريق
المتصل انا مضطر اقفل وتحت امركم في اي حاجة أو معلومات تانية
عزة شكرا .. مع السلامة
واقف ربيع سامع كل حاجة ونجوي لسه جوا بتتشفي في حماتها .. كملت عزة كلامها في سرها وهي بتخبط علي رجلها
ليه يارمضان ليه تخوني دا انا حبيتك واخلصت لك ياراجل دا انت ماكملتش شهر امال لو هتقعد سنة زي باقي الرجالة هتعمل ايه
ربيع مش عارف يسكتها ولا يسند نفسه ازاي قال لها بتماسك
ربيع هدي نفسك جوزك لسه دمه مابردش
عزة ماتقولش جوزي قول اخوك اللي بينا انتهي خلاص من اللحظة دي
اشرف دخل يجري من برا
ماما ماما كلمتي بابا
عزة لا ماتصلش ولا هيتصل .. بتمسح دموعها بقوة واستعداد لمعركة صعبة مكتوب عليها تخوضها لوحدها من غير جوزها وحب عمرها مضطرة تربي عيالها وتصرف عليهم قامت وقررت تاخد امل وأشرف وتمشي
بسمة اخت رمضان ماتعرفش خبر مۏت أبوها حملها صعب وامها خاڤت عليها وحذرتهم ماحدش يكلمها لأن دي تالت حمل لها وسقطت مرتين قبل كدا رن تليفونها واول مافتحت بدأت الافعي في بخ سمها
الو
بسمة ايوا ازيك يا ماما
نجوي هههههه انا مش ماما بس هي اللي قالتلي اكلمك
بسمة خير ي نجوي
نجوي هو مش خير بس لازم تعرفي مايصحش اخبي علي عمتي حاجة زي كدا
بسمة قولي قلقتيني
بدموع تمثيل ونهنهه قالت
ابوكي ماټ امبارح واخوكي ماټ النهاردة ..
بسمة دا هزار تهزريه تفي من بوقك
نجوي هي الحقيقة كدا مابنقدرش نصدقها بس وحياة امك المشلۏلة قدامي دي اللي بقوله حصل .
عماد انتي ماينفعش تسافري اقعدي هنا وانا هسافر أتأكد بنفسي واخد بخاطرهم
بسمة لا مستحيل لازم اخضر عزا ابويا وافهم في ايه نجوي دي لازم تتلم
عماد الموضوع منتهي مالكيش خروج قبل ماتولدي
بسمة انت فاكر نفسك اشترتني انا لازم اروح لاهلي بقولك امي جالها جلطة ومش مرتاحه لنبرة صوت نجوي فيها نية مش
كويسه
عماد قال لبسمة وهي بتلم هدومها يكون في علمك لو هرجتي من بيتي تبقي طالق وماتلزمنيش
وقفت لحظة فكمل
اللي بيني وبينك هو اللي في بطنك ..
بسمة قعدت علي السرير وفضلت ټعيط ..
الرواية للكاتبة أماني عنان
دخلت حماتها علي صوتها وسالت عماد اللي خارج متعصب
في ايه يابني
عماد اهي مرزيه عندك اسأليها
الام براحه يابني مش كدا الله يهديكوا
قربت من بسمة وطبطبت عليها وقالت
ايه اللي حصل الواد المعفن دا زعلك في ايه
بسمة بعد الحب دا كله واختياري ليه دون كل العرسان اللي اتقدمولي بيقولي اللي بينا هو الطفل لو نزل خلاص ..
الام دا كلام هو يقدر ينسي ايام الجامعة وحبكوا دا كان دوشني بيكي هههههههه
بسمة ابتسمت وقالت عماد بقي قاسې اوووي ومتحكم نجوي بتقول بابا ماټ واخويا رمضان وامي أتشلت .. اتاخدت الام كدا ورجعت رأسها لورا وقالت بتريقة
التلاتة مرة واحده دي نجوي دي تنفع مؤلفة افلام اتصلي بعزة وهي تطمنك عزة مرات رمضان دي اصلا بشوشة كدا وسمحه ..
بسمة بتحاولي تمشي كلام ابنك صح
الام ششش وطي صوتك عماد بيحب يتصنت من صغره هيدخل يتخانق معاكي تاني هههههه
بسمة انتي طيبة اووي بس ليه ماكنش هو كمان طيب
الام انتي هتطمعي مافيش واحده بتاخد كل حاجة لازم يطلع لك ذنب كدا في عيلة جوزك يكفر ذنوبك كلها ..
فضلوا يضحكوا ويهزروا لحد مارتاحت بسمة ورجعت تنام في سريرها حقيقي في ناس حملها صعب ولو سافرت أو اتحركت تتحرم من جنينها بس ربنا ستر واجلت فكرة سفرها وقررت تتصل بعزة ..
بقلمي أماني عنان .
___________ أماني_عنان ______
بعد ماخلصت نجوي المكالمة رمت التليفون علي رجل حماتها الممدوده وقالت
بالسلامة ي بسبوسه
خرجت تتسحب عشان تعمل نفسها ماتعرفش حاجة وطلعت من الطبخ كأنها كانت بتشتغل فيه
نجوي مالك ي عزة وشك احمر كدا ليه
في ايه ي ربيع
ربيع رمضان ماټ
نجوي يامصيبتي ازاي يالهووووااي ياختاااي
ربيع بسسس هتلمي علينا الناس
نجوي مش لازم الناس تعرف أنه خلاص ماټ ومافيش غير ربيع بس هو ابن الحج رشوان الله يرحمه
سكت وسابها تصوت وتعمل الشويتين بتوع رداحات العزا ..
دخلت عزة تودع حماتها وقالت لها بدموع الكسرة
خلاص ياماما رمضان ماټ وهو بيخوني ماټ في حضڼ ست غيري مابقاش يلزمني اي حاجة منه ولا حتي البيت دا انا قررت امشي حالا واخد عيالي معايا
واقفه نجوي علي الباب ورمضان دخل الاوضة وهو حزين ومبهدل في نفسه عزة ماشيه وفجأة مسكت الحما أيدها وهزت رأسها بلا ماتمشيش ..
اتعدلت نجوي في وقفتها وهي مخضوضه لحماتها تنطق بحاجة فقام مكمل ربيع خليكي يامرات أخويا احنا بنتفرق واحد ورا التاني لازم العيال يكبروا وسطينا وفي خير ابوهم ..
عزة أقعد بس بشرط
نجوي بټضرب كف ع كف وهي بتهمس
اتشرطي ياختي اتشرطي
ربيع امري
عزة مالبسش اسود علي اخوك
الكل أنصدم وماحدش رد ..
بقلمي أماني عنان خليكوا فاكرين عشان بتتسرق ههههه
في مزرعة نائية علي أطراف المدينة بينادي شيخ مسن ويسأل شاب بدقن وبشرة سمرا
سقيت الكمثري
الشاب ايوا
الشيخ نضفت مزرعة الفراخ
الشاب ايوا
الشيخ سقيت الغنمات وحلبت البقر
الشاب ايوا كله تم ياشيخ والله
قعد الشيخ علي صخرة كبيرة قدام الشاب ولف عكازه علي الأرض وقال له بحكمة
مش ناوي تحكيني يامصري ليه انت هربان عندي .!!!!!!
برق الشاب وافتكر يوم .
ايوووا رمضان عايش
يتبع
السابعة
سالت نجوي مامتها فجأة وقالت
هو انا ليه مابخلفش ياما زي باقي الستات ناقصني ايه عنهم حد يفهمني ليه بقالي سنة ونص ومافيش ولا حتي حمل ونزل .. !
الام استغفر الله العظيم إرادة ربنا مابيتقالهاش كدا يابنت بطني استغفري ربك
نجوي بستغفر ومافيش جديد
الام مش لوحدك كل الناس لها عند ربها شئ ومتعطل او لسه ماجاش أوانه يقوم يكفر بقي ويقول كلام مالوش عازه ..
نجوي نفسي اشوف لي حتة عيل حتي لو صرصار اطمن
متابعة القراءة
