روايه ما وراء لغز
هتبقى مراتى اللى عمرها ما هتكون ع اسمى
سلوى يعنى بقت كده بتفضلها هى عليا طب ليه ليه!
كانت شمس سامعة الحوار وفجأة الخط فصل ركبت تاكسى وطلعت ع الشقة وطبعا لسه بتتبنى فمن غير باب دخلت واتفاجئت بكمال حاضن سلوى نزلت دموعها شمس الله ع القرف انتم ازاى كده بجد ازاى مقرفين كده !
كمال بخضة شمس انتى انتى جيتى هنا ليه
كمال شمس ممكن تهدى وتسمعينى انتى عندك سوء تفاهم!
شمس بلا سوء تفاهم بلا زفت ده الحمدلله ان ده حصل وكشفتك ع حقيقتك انت والمقرفة دى بس وربى لافضحكم
قربت سلوى وهى بټعيط وبتحط ايدها ع كتفها شمس اسمعينى
بعدت شمس ايد سلوى بقوة
فخبطت بمسمار واتعورت بسرعة خرجت منديل عشان تكتم شمس اوعى تقربى منى تانى يا حقېرة مش عاوزة اعرفك
تانى اما انت يا كمال باشا هفضحك وهخلى سيرتك ع كل لسان
كمال شمس اهدى واسمعينى
لفت شمس وشها عشان تمشى ولقى كمال حبل واقع ع الارض اخده وجرى عليها خن قها بيه حاولت تقاوم بكل قوتها لكنها مقدرتش لدرجة ان المحبس وقع من ايدها بدون ما ياخدوا بالهم
لكن كمال كان شيطانه اقوى منه ومسبهاش الا لما قطعت النفس نهائى بصلها پصدمة وخوف قرب منها وفحص نبضها لكن مكنش موجود سلوى خلاص انت السبب انا مليش دعوة
كمال پغضب اخرسى خالص روحى هاتى الشوال اللى هناك ده بسرعة
رمت سلوى المنديل وجابت الشوال ووضع كمال شمس بيه وشالها حطها بالعربية ورماها بالخړابة وبعدها اخد فونها والحبل ورماهم فى النيل
احمد طب چريمة وفهمتها لكن اللى مش قادر افهمه ايه يخليك تدخل وتخرج بجواز سفر مزور طالما مكنتوش مخططين ! يعنى اكيد فيه سبب تانى يا استاذ كمال ولا انا غلطان !
مردش كمال ع سؤال احمد لكن دخل محمود فجأة وقال اجابة السؤال عندى أنا يا حب البيه يبقى اكتر واحد طلع عيونا فى قضية المخد رات
كمال وعيونه بتطلع شرار كڈب الكلام ده مش حقيقى
محمود مفيش داعى للحمقة دى يا كراميلا اصل اللى اعترف عليك البوص بتاعك ماهر الهوارى
اتسعت عيون كمال پصدمة وجاوب محمود ع سؤاله اه اتقبض عليه واعترف ع كل حاجة وبأقل مجهود
بالفعل اخدهم العسكرى ع الحجز عمر طب دلوقتى ايه المفروض اللى هيحصل!
احمد هيتعرضوا بكرة ع النيابة وهيتحقق معاهم وبعدها هيتحولوا ع المحكمة وبعد كذا جلسة هيتحكم عليهم والاحسن انكم توكلوا محامى
عمر اكيد ان شاء الله نستأذن احنا
احمد اتفضلوا فى سلامة الله
اخد عمر
تغريد ومرضاش يروحها لكن اخدها ع النيل هو عارف انها بتحب القعدة هناك وبترتاح جدا بعد ٦ شهور من القضية والمتابعة جه يوم النطق بالحكم
القاضى بعد الاطلاع ع كافة المرافعات وسماع اقوال المتهمين واثبات الادلة والرجوع اللى فضيلة مفتى الجمهورية للاطلاع ع القضية حكمت المحكمة حضوريا ع المتهم كمال العزازى بالاعډام شنقا حتى المۏت وع المتهمة سلوى العتريبى بالسجن المشدد لمدة ١٥ عاما وتغريم المتهمين بدفع اجور المحامين رفعت الجلسة
ملأت الزغاريط القاعة عقب اعلان الحكم اتجهت تغريد لكمال وسلوى ونظرت ليهم پحقد كل ساق سيسقى بما سقى وربنا اسمه العدل ودى النهاية اللى تستحقوها
اخدها عمر من ايدها وخرج وهو شايف الفرحة والضحكة مالية وشها واللى غابت عنها لفترة طويلة واول ما وصلت ع البيت لقت مدحت قاعد مع ابتهال فبهتت ملامحها واتقلبت لما شافته
تغريد خير فى ايه جاى عايز ايه!
مدحت عايز اخد فريد يعيش معايا يا تغريد انا عاوز ابنى يبعد عن اى ضغط ويعيش حياة سوية
تغريد بدموع استاذ مدحت انا عارفة انك ابوه وبتحبه وانه هيكون بخير معاك بس فريد ده من ريحة شمس واللى مصبرنى ع فراقها بالله ما تعمل كده وتحرمنى منه
مدحت بهدوء وانا عمرى ما احرمه منكم فى اى وقت تحبى تشوفيه تشرفينى ده بيت اخوكى وكمان كل اجازة هجيبه يقضى معاكم اليوم كامل بس عشان خاطرى انا لو بتحبيه لازم تفكرى فى مصلحته والله انتى عارفة انى زوجتى عقيم مش بتخلف يعنى هتحبه اوى وهتكون فى مقام امه
تغريد ايوة بس انا اتعودت ع وجوده معانا بالبيت مش قادرة اتخيل انى هقوم من النوم مش هلاقيه
مدحت يا تغريد افهمى كلها كام شهر وهتتجوزى وهيكون ليكى بيتك وجوزك وامك مش هتقدر تقعد بيه لوحدها وكمان فريد لازم يكون عليه رقيب وانا اولى بيه
ابتهال مدحت معاه حق يا بنتى فى كل كلمة قالها سبيه ياخد ابنه كفاية عليه يا
قلب امه الفترة اللى فاتت واللى شافه وهو لسه عيل
تغريد طيب هقولك ع حاجة احنا نسأله الاول ولو وافق
يجى معاك مش همنعه
مدحت تمام اللى تشوفيه
ندهت تغريد ع فريد وسألته فريد يا حبيبى هسألك سؤال يا عسولى وتجاوب بصراحة من غير
خوف اوك
فريد اوك يا خالتو
تغريد بابى جاى ياخدك تعيش معاه انت عاوز تروح معاه ولا تقعد معايا انا وتيتة !
فريد بصراحة ومن غير زعل
تغريد امممممم
فريد عاوز اقعد مع بابا وطنط مها انا بحبها خالص وبحب بابى وبرتاح معاهم زى ما كنت مع مامى
تغريد بۏجع حاولت تداريه ماشى يا حبيبى بس توعدنى انك هتزورنا ع طول وهتسمع الكلام وتكون مؤدب وشطور
فريد وعد
تغريد طب يلا يا بطل نحضر شنطتك وحاجتك
فريد بفرح يلا
مشى فريد مع مدحت وكل جمعة كان بيجى يقضى معاهم اليوم ويبات ويروح السبت الصبح وبعد مرور ٦ شهور اخرى اتجوزت تغريد من عمر واصر عمر ان والدتها تيجى تعيشى معاهم لانها كبيرة بالعمر ومينفعش تكون لوحدها وفى يوم عرفت تغريد انها حامل وفرحت جدا وراحت عملت سونار عشان تعرف نوع الجنين وزادت فرحتها لما عرفت انها بنوتة
تغريد انا فرحانة اوى يا عمر حامل فى بنوتة زى ما اتمنيت
عمر بفرحة الحمدلله يا روحى متعرفيش انا كمان مبسوط اد ايه
تغريد طب وناوى تسميها ايه
عمر هنسميها شمس
تغريد بدموع يا روحى انت
وبكده نقول تمت الحكاية
